Ginpasalig ni President Ferdinand ‘Bongbong’ Marcos Jr. nga padayunon sang iya administrasyon ang pagpangita sang solusyon sa mga isyu sa maritime industry sang pungsod.
Ini kasunod sang pagpaiway sang European Commission sang ila una nga desisyon nga indi pagkilalahon ukon i-decertify ang maritime standards kag seafarer trainings halin sa Pilipinas.
Suno sa presidente, nalipay siya sa desisyon sang European Commission kag ginpromisa sini nga maga-develop ang pungsod sang world-class kag mga hanas na nga seafarers para sa bilog nga kalibutan.
“Gagawin natin ang lahat upang mabigyan natin ng solusyon ang mga isyung kinakaharap ng ating maritime industry, upang patuloy tayong mag-develop ng mga world-class at magagaling na seafarers para sa buong mundo,” suno kay Marcos.
Una na nga ginpahayag sang Department of Transportation nga gin-acknowledge sang commission ang paninguha sang pungsod nga ma-improve ang monitoring, supervision kag evaluation para sa training kag assessment sa seafarers.
Lakip diri ang paglakip sang simulators sa maritime schools, on board trainings kag improvement sa issuance kag revalidation sang certificates kag endorsements para sa seafarers. ##
