Iloilo City – Nagpasalig si Police Colonel Joeresty Coronica sang sinsero nga serbisyo sa mga Ilonggos kadungan sang appointment sini bilang full-fledged director sang Iloilo City Police Office.
Kun balik-balikan, nagpungko si Coronica bilang officer-in-charge sang talatapan sang Enero 27.
Si Coronica ang nagbulos kay anay Iloilo City Police Office Director Police Colonel Batiles.
Sa interview sang Bombo Radyo kay Police Colonel Coronica, iya ginpahayag nga ginkalipay sini ang appoinment bangud mas mapasangkad niya ang iya trabaho.
Suno kay Coronica, wala ini sang ipabilin nga promisa kun di padayunon lamang ang naumpisahan kaangay sa pagtutok sa kampanya batok sa iligal nga droga, pagrepaso sang deployment sang mga police personnel, magpakig-angot sa mga barangay officials, kag ang inisyatibo nga i-maintain ang maayo nga performance sang mga police personnel sa syudad.
Samtang, ginkalipay naman ang Iloilo City Mayor Jerry P. Treñas ang appointment ni Coronica kun sa diin nagpasalig ini sang suporta sa direktor.
