Nagpaandam si Senator Francis Tolentino nga dapat maghalong ang Department of Foreign Affairs (DFA) sa pag-revive sa joint agreement kaupod sa China para sa exploration sang oil kag gas sa West Philippine Sea.
Suno kay Tolentino nga amo ang vice chair sang Senate foreign relations committee, posible nga isa ini ka trap ilabi na sa tunga sang padayon nga pagsulod sang Chinese vessels sa teritoryo sang Pilipinas.
Posible nga maabuso ang agreement suno kay Tolentino kag mag-resulta sa mas daku pa gid nga presensya sang China sa 370-kilometer exclusive economic zone sang Pilipinas.
Posible suno sa senador nga magpadala ang China sang mas madamo nga barko kag personnel sa West Philippine Sea samtang nagapakuno-kuno lang nga naga-conduct sang scientific marine research.
Nagapati man si Tolentino nga dapat involved na sa sini nga isyu ang Senado bangud extension na ini sang foreign policy.
Matandaan nga una na nga ginpahayag ni Foreign Secretary Enrique Manalo nga nagsugtanay ang Pilipinas kag China nga ibalik ang negosasyon sa pag-discuss sang posibilidad sang pagpadayon sang oil and gas exploration. ##
See less
