Iloilo City – Preparado na ang Iloilo City Police Office sa pagdugok sang mga tawo sa mga terminals, wharfs, simbahan kag resorts sa Semana Santa.
Sa interview sang Bombo Radyo kay Police Major Shella Mae Sangrine, spokesperson sang Iloilo City Police Office, iya ginpahayag nga may yara sang naka-deploy nga mga police personnel sa mga lugar kun sa diin ginalauman ang pagdugok sang madamo nga mga tawo.
Suno kay Sangrines, may ipahamtang man nga Police Assistance Desk agud magiyahan kag mahatagan sang igtalupangod ang mga tawo nga nagakinahanglan sang bulig.
Ginpahayag dugang sang natungdan nga may yara man sang nakareserba nga police personnel sa tion nga magakinahanglan sang dugang nga personnel ang isa ka lugar sa syudad.
Samtang nagpanugyan naman ang talatapan sa publiko nga mag-aligmat agud malikawan ang malain nga mga hitabo sa pag-obserba sang Semana Santa.
