Nagsaka na sa 32 ang numero sang nagkalamatay sa nasunog nga passenger ferry sa Basilan.
Ini matapos gin-report sang Philippine Coast Guard nga nasapwan sini ang bangkay sang isa pa ka biktima nga si Alses Hassan sa dagat nga sakop sang Langgas Island, Maluso, Basilan.
Isa siya sa duha ka pasahero sang MV Lady Mary Joy 3 nga gin-report nga missing.
Padayon pa subong ang operasyon sang Philippine Coast Guard agud pangitaon ang isa pa ka nabilin nga pasahero nga nadula.
Matandaan nga masobra 200 ang sakay sang ferry sang nasunog ini sang Marso 29 sang gab-i.
Sandig sa Bureau of Fire Protection Manila Arson Team, posible nga electric short circuit ang rason sang pagkalayo.
Nag-umpisa naman ang Maritime Industry Authority sa pagpatigayon sang marine safety investigation sa MV Lady Mary Joy 3.
