ILOILO CITY – Pinasahi ang nangin estilo sa pagtudlo sang isa ka student teacher agud makuha ang atensyon sang mga estudyante sa iya klase.
Ini ang paglakip niya sang gamified pedagogy kag experiential learning sa iya lesson plan agud mas maganyat ang mga estudyante nga magpamati.
Sa interview sang Bombo Radyo kay Yancy Panugon, 4th year Bachelor of Secondary Education Major in Math sa West Visayas State University, iya ginpahayag nga mas na-engganyo ang mga estudyante kun lakipan sang pahampang ang klase kun sa diin ginapreparahan niya ini sang PowerPoint Presentation kag nanari-sari nga gimmick.
Suno kay Panugon, nag-umpisa kag nangin inspirasyon niya sa pagtudlo ang kawsa niya sa pagtanyag sang libre nga math games kag storytelling sa mga kabataan sa iya barangay sa Duran, Iloilo City Proper.
Panugyan naman sang natungdan sa iya mga estudyante amo ang “to dream deep” ukon maghandom sang madalom agud hibaluon ang matuod-tuod nga kahulugan sa kabuhi.
