Mandatory wearing of face mask sa pili nga mga lugar sa syudad sang Iloilo, ginmandu sang alkalde

ILOILO CITY – Liwat naman nga nagpanugyan si Iloilo City Mayor Jerry Treñas sa publiko nga magsuksok sang face mask sa mga indoor settings kag pampubliko nga mga transportasyon.

Ini ang kasunod sang ginpagwa nga Executive Order No. 48 series of 2023, kun sa diin, kinahanglan nga magsuksok sang face masks sa pili nga mga lugar sa syudad.

Sa interview sang Bombo Radyo sa alkalde, iya ginpahayag nga nagapati ini nga magasunod ang publiko kun may may yara sang executive order bilang suporta sa health protocols sang Department of Health.

Suno kay Treñas, tinutuyo sang executive order nga mahagan-hagan ang ang paglapta sang coronavirus disease 2019.

Nagdangat lamang sang duha ka semana ang validity sang executive order.