Madamo sa aton ang may kahadlok sa heights ukon sa mataas nga mga lugar; apang pamati bala kay basi amo sini ang makabulig sa imo agud nga madula ang imo ginabatyag nga kurdam kun ara na ikaw sa ibabaw.
May isa ka 82-anyos nga Lola nga ginadayaw subong bangud apisar sang iya nga edad, maisog ini sa pag-skydive sa Siquijor!
Ini amo si Lola Iluminada Fabroa nga amo ang ginakilala nga pinakatigulang nga skydiver sa Skydive Siquijor dropzone — isa ka achievement nga sigurado mabudlay gid nga pirdehon!
Suno sa proud nga apo nga si Jeremiah Navarra nga isa man ka mountaineer, natural gid man gali nga adventurous ang iya nga Lola.
Sa pagkamatuod, sang 2022, nasaka pa nila ang Mt. Apo nga amo ang pinakamataas nga peak sa Pilipinas! Apisar nagakabalaka ang ila pamilya suno sa iya, nagapangita gid sang paagi si Lola agud nga masunod ang iya gusto.
Ginrason sini nga wala niya ini nahimo sang bata pa siya, gani subong niya ini i-enjoy.
Nahibaluan nga magluwas sa skydiving, madamo naman gali ang na-check sa bucket list ni Lola lakip na ang cliff diving kag canyoneering.
Mapati ka man kag sa indi, ini nga amazing Lola ang wala man sang maintenance medicine magluwas lang sa iya nga nakaandan nga multivitamins kag ang eye drops agud nga klaro sa panan-awan!
Si Lola nga tumandok sang Danao City ang may yara sang tatlo ka kabataan kag siyam ka mga apo.
