Nag-rampa sa labing una nga tion ang 29-anyos nga reality-tv star kag beauty entrepreneur nga si Kylie Jenner sa Victoria’s Secret Fashion Show 2026 subong nga adlaw, Oktubre 19 nga ginhiwat sa Los Angeles, California.
Si Kylie Jenner ang kilala man bilang utod ni Victoria’s Secret Model nga si Kendall Jenner nga wala naman nakapartisipar subong nga tuig sa nasambit nga fashion show.
Suksok sini ang “Fantasy Bra” nga nagabalor 50 million dollars nga may 4,410 natural diamonds kag 75.54 carat nga Fancy Vivid yellow diamond.
Madumduman nga si Kylie man ang karelasyon sang Hollywood actor nga Timothee Chalamet, ukon mas kilala nga “Elio Perlman” sa American movie nga “Call Me By Your Name”.
Sa nasambit nga aktibidad, nagpasundayag man ang Global girl group nga KATSEYE kun sa diin ginperform nila ang ila sikat nga kanta nga amo ang “Pinky Up” kag “Animal”.
