DUMANGAS, ILOILO – Pilason ang driver matapos nahulog ang ginamaneho sini nga 6-wheeler truck sa taytay sa Brgy. Balabag, Dumangas, Iloilo.
Ang driver amo si Lando Billones, 39, residente sang Brgy. (Akwit) Acuit, Barotac Nuevo, Iloilo.
Sa interview sang Bombo Radyo kay Police Staff Sergeant John Mark Tuazon, imbestigador sang Dumangas Municipal Police Station, iya ginpahayag nga nagkarga sang bato sang truck halin sa suba.
Suno kay Tuazon, sang nagapasaka na ang truck sa national highway, nadulaan ini sang kontrol sa manebela.
Dugang pa sini, bangud man sa kabug-at sang karga nga bato sang truck, nagdalosdos ini padalom sa suba.
Sa subong, padayon pa nga ginabulong sa ospital ang nasambit nga driver.
