ILOILO CITY – Nagpanumbalik na liwat subong nga adlaw, Mayo 17 tubtob Mayo 21 ang Western Visayas Private Schools Athletic Association matapos ang tatlo ka tuig nga pagpaiway sini bangud sa pandemya.
Ini ang ginahiwat sa University of San Agustin sa Iloilo City kag pagasakupan sang mga delegasyon nagikan sa probinsya sang Aklan, Antique, Capiz, Negros Occidental, kag Iloilo.
Nahibaluan nga may yara sang 1,529 ka mga athletes, coaches kag delegation officials ang maga-pasakop sa nasambit nga sports meet.
Magapaindisanay naman ang mga atleta sa athletics, badminton, basketball, basketball 3×3, beach volleyball, chess, dance sports, football, karatedo, tennis, sepak takraw, swimming, table tennis, taekwondo, volleyball, kag billiard.
Sa interview sang Bombo Radyo kay Ryan Mark Molina, Presidente sang asosasyon, iya ginpahayag nga pursigido ang mga atleta nga maka-secure sang medalya sa pihak sang pagpanghangkat bangud sa kulang sa budget.
Nagalaom naman si Molina nga ang nasambit nga sports meet ang mangin palaagyan agud maghatag sang dungog sa Western Visayas sa national level.
