ILOILO CITY – Painon sang Iloilo City Government ang mga solid waste materials kag building debris sa gin-demolish nga mga merkado.
Ini agud indi mag-impon ang mga disposable products sa mapuslanon pa nga mga gamit.
Sa interview sang Bombo Radyo kay Engr. Neil Ravena, pinuno sang Iloilo City Environment and Natural Resources Office, iya ginpahayag nga dako ang volume sang nanari-sari nga mga basura nga natipon sang opisina sa diin iga-dispose ang mga solid waste, kag painon ang nabilin nga debris.
Suno kay Ravena, nahisugtan nga ang kontraktor sang revitalization project ang mahakot sang debris, samtang, itugyan naman sa city government ang paghaboy sang solid waste.
Ginpahayag dugang sang natungdan nga may patigayunon nga pagsinapol sa tunga sang Local Economic and Enterprise Office kag General Services Office sa schedule sang paghaboy sang basura.
