ILOILO CITY – Indi aksidente ukon makakilibot ang nangin lihuk ni Iloilo 3rd District Rep. Lorenz Defensor sa pag-file sang mosyon kag nagserbe bilang Majority Floor Leader sa pagkakas kay former President kag Pampanga Second District Rep. Gloria Macapagal Arroyo bilang Senior Deputy Speaker.
Sa interview sang Bombo Radyo kay Atty. Joenar Pueblo, iya ginpahayag nga nagakahulugan lang nga suportado ni Defensor ang liderato sang kamara sa pagpamuno ni House Speaker Ferdinand Martin Romualdez.
Suno kay Pueblo, mahamot si Defensor kay Romualdez rason nga ginsaligan ini.
Ginpahayag dugang sang natungdan nga napat-od sang mamalidha nga may political benefits ang papel nga gintungdan niya nga makabulig sa pagpasanyog sang Iloilo Third District.
Matandaan nga ginbuslan si Arroyo ni Pampanga 3rd District Rep. Aurelio “Dong” Gonzales Jr. bilag Senior Deputy Speaker sang Kamara.
Ang Senior Deputy Speaker ang ginakabig nga ikaduha sa pinakamataas nga posisyon sa Kamara kasunod sang House Speaker.
