Nagpanaog sa pwesto si Department of Information and Communications Technology (DICT) Secretary Henry Aguda.
Suno kay Ombudsman Jesus Crispin “Boying” Remulla subong nga Sabado, Oktubre 10, ginbaton sang Malacañang ang resignation sang opisyal.
Natalana pa nga idetalye kun ano ang rason sang tiglikom sa iya desisyon.
Matandaan nga sang Myerkules, ginpanindugan pa ni Palace press officer Claire Castro nga naka-istoryahanay pa sila ni Aguda nga nagsiling suno sa iya nga magapabilin pa ini bilang tiglikom sang ahensya.
“Wala ring ganong impormasyon dahil kakausap pa lang natin kay Secretary Henry Aguda at nagbigay siya ng larawan din kay Secretary Dave Gomez na patuloy ang trabaho niya bilang sekretarya ng DICT,” suno kay Castro samtang yara sila sa Singapore.
Sa separado nga statement sang amo man nga adlaw, nagsiling si Aguda nga nakahibalo siya nga may nagalapta nga balita kaangot sa iya resignation, apang suno sa iya, nagapabilin siya nga nagatutok sa iya nga responsibilidad.
“At this time, I remain focused on carrying out my responsibilities and ensuring the continuity of the department’s work,” pahayag sini.
“As Secretary of DICT, I serve at the pleasure of the president, and I fully recognize and respect the president’s prerogative in matters concerning his Cabinet and his administration,” dugang niya.
Marso 2025 sang gin-appoint ni President Ferdinand Marcos Jr. si Aguda bilang DICT Secretary bilang bulos kay Ivan Uy.#
