Nagpaandam ang Department of Information and Communications Technology (DICT) kag Cybercrime Investigation and Coordinating Center (CICC) batok sa mga online group nga nagapalapta sang masingki nga mga content nga mahimo mag-apekto sa mga kabataan.
Suno kay DICT Secretary Henry Aguda, mahimo nga mangin target sini nga mga grupo ang mga menor de edad kag vulnerable nga kabataan para sa grooming kag manipulation.
“Ang mga insidenteng kinasasangkutan ng ating kabataan kasabay ng lumalaking banta ng Nihilistic Violent Extremism ay dapat nang ikabahala ng bawat magulang, guro, paaralan, at komunidad,” pahayag ni Aguda.
Suno pa sa tiglikom, lakip sa ginahimo sini nga grupo amo ang pag-engganyo sa mga biktima nga maghimo sang violence ukon sakiton ang ila kaugalingon.
Ini nga statement ang kasunod sang mga school shooting incidents sa Pilipinas lakip na ang sa Banga National High School sa South Cotabato kahapon sang hapon kun sa diin tatlo na ang patay.
“Malinaw na anuman na nagsisimula online ay maaring humantong sa totoong panganib offline o sa totoong buhay,” suno kay Aguda.
Ginpasalig sini nga magahulag ang gobyerno para sa child safety.
“Gagawin ng gobyerno ang mga karampatang aksyon para tugunan ang isyung ito. Paiigtingin at patitibayin ng DICT, CICC, NPC, NTC at iba pang ahensya ng pamahalaan ang monitoring, information-sharing, intervention, at safeguards laban sa harmful content online,” suno kay Aguda.
Nagpanawagan man ini sa digital platforms nga pabaskugon pa ang mga measures agud nga maprotektahan ang kabataan sa ila screen time, ilabi na agud nga indi sila ma-engganyo nga maghimo sang kapintas.
Sa separado nga statement sang ahensya, nagpanawagan ini sa publiko nga maglikaw sa pagpalapta sang mga laragway kag videos nga naangot sa shooting sa Banga.
“We urge the public to refrain from sharing graphic videos, images, and unverified information related to the incident,” pahayag sang ahensya. “Let us respect the privacy and dignity of the victims and their families while allowing authorities to conduct a thorough investigation.”
