Ginapatawag sang House of Representatives si Meta Chief Executive Offficer Mark Zuckerberg agud magtambong sa hearing may kaangtanan sa harmful online content, platform accountability, kag mga tikang agud nga pabaskugon pa ang online safety sang Filipino users.
Suno ini sa kumpirmasyon sang Department of Information and Communications Technology (DICT) nga ginapatawag man sang Kamara sa amo nga congressional hearing.
Sandig pa sa DICT, nahangpan sini ang posisyon sang liderato sang House of Representatives natuhoy sa pag-postpone sang budget sang ahensya samtang wala pa nasulbar ang mga seryoso kag malawig na nga problema nga may kaangtanan sa Meta.
“Unlike other technology platforms that have demonstrated meaningful cooperation with authorities and concrete progress in safeguarding users, Meta continues to fall short of its responsibility and commitment to youth safety,” pahayag pa sang DICT.
“The safety and welfare of Filipino children must remain paramount. Technology companies that operate in the Philippines must be held to the highest standards of responsibility. Persistent failure to address these risks erodes public trust and cannot be tolerated,” dugang sini.
Sang Abril, nagsulat ang DICT kag ang Presidential Communications Office (PCO) sa Meta kag ginhingyo nga may senior contact person nga mahimo makontak 24 oras kada adlaw. Ginpangabay sang gobyerno ang Meta nga mas mapadasig ang ila pagsabat sa mga request sang gobyerno para sa pagkakas sang high-risk content sa social media.
Sang ulihi, suno sa DICT, ang sabat sang Meta ang wala nakalab-ot sa “specific, time-bound actions” nga ginahingyo sang Philippine government.
Nahibaluan nga sa 2027 National Expenditure Program, may ginaduso nga budget nga P17.6-billlion para sa DICT.
