Dy, nagpasalamat sa hearings sa Duterte impeachment apisar break sang Kongreso

Ginpasalamatan ni House Speaker Faustino “Bojie” Dy III si Batangas Rep. Gerville Luistro, chair sang House Committee on Justice, kag ang iban nga mga miyembro sang Kamara bangod sang ila pagpanguna kag dedikasyon, labi na gid sa pagdumala sang justice panel sa mga hearing nga may kaangtanan sa impeachment.

Sa iya speech, ginhatagan sang bug-at ni Dy ang ila sinumpaan nga trabaho nga masiguro ang transparency kag accountability sa gobyerno.

“Aside from the LEAD joint committee, the other committees remained active, like the committee on justice that focused on the impeachment hearings,” suno kay Dy sa iya speech sa resumption sang session sa lower chamber.

“To our colleagues who stepped forward to take the lead in these key House activities—Deputy Speaker Rachel Arenas, House Justice committee Chairperson Jinky Luistro, and House Ways and Means Chairperson Miro Quimbo; along with the chairperson of the 13 committees that built the LEAD Joint Committee — thank you very much,” dugang sini.

Nahibaluan nga indi vocal si Speaker Dy kaangot sa impeachment proceedings sa Kamara.

Katapusan siya nga nakasabat kaangot sa impeachment complaints sang naghingyo ang kampo sang VP sa Korte Suprema para sa temporary restraining order (TRO) sa hearings sang Committee on Justice hearings.

Sang amo nga tion, nagsiling si Dy nga ang desisyon sang Supreme Court nga indi mag-isyu sang TRO ang isa ka welcome development kag nagapakita nga may balanse sa tunga sang mga sangay sang gobyerno.

Nagsugod ang Justice Committee sang impeachment proceedings sang Marso 2 kag ginpahayag nga bastante ang reklamo in form. Sang Marso 4, ginpamatud-an nga bastante ini sa substance, kag sang Marso 18, ginpahayag nga may bastante nga basehan. Sa hearing sang Marso 15, gin-discuss sang komite ang preliminary matters and subpoenas.

Ginpatigayon naman ang pagpresentar sang ebidensya sang Abril 14, 22, kag 29, tubtub nga kahapon, gin-aprubahan na ang committee report nga nagaestablisar nga may probable cause sa impeachment complaints batok sa vice president.

Sa 55 ka mga mamalidha, 55 man ang pabor sa mosyon.

Natalana nga botohan sa plenaryo ang amo nga report kag kun makakuha sang 1/3 nga boto sang bilog nga lower chamber (106 votes) ipasaka ini sa trial sa Senado nga amo ang maga-convene bilang impeachment court.

Una na nga ginpahayag ni Senate President Pro Tempore Ping Lacson nga posible nga Hunyo magasugod ang impeachment trial.#