ILOILO CITY – Nag-take oath na si anay Social Welfare Secretary Erwin Tulfo bilang nominee sang Anti-Crime and Terrorism Community Involvement and Support (ACT-CIS) Party-list.
Apang, indi pa ini maka-assume sang office suno sa isa ka opisyal sa House of Representatives.
Suno kay House Secretary General Reginald Velasco, ang oath taking ni Tulfo ang pormalidad lamang.
Una na nga ginbasura sang Commission on Elections ang disqualification case batuk kay Tulfo kag mahimo na ini maka-assume sang post bilang nominee sang party-list apisar nga pending sa gihapon ang motion for reconsideration.
Apang suno kay Velasco, indi pa makapungko si Tulfo samtang nga wala pa nakabaton sang official notice ang House nagikan sa poll body nga nagahambal nga nominee na sang party-list si Tulfo.
Si Tulfo ang ika-apat nga nominee sang paty-list kag magabulos kay Rep. Jeffrey Soriano nga amo ang ikatatlo nga nominee.
