ILOILO CITY – Gin-clear ni Sen. Ronald “Bato” dela Rosa si anay Philippine National Police chief Rodolfo Azurin, Jr. sa mga anomaliya nga nagapalibot sa kontrobersyal nga P6.7 billion shabu haul mess sa idalom sang iya pagdumala.
Ini ang ginpahayag ni Dela Rosa kadungan sang pagtakup na sang imbestigasyon sang Senate committee on Public Order and Dangerous Drugs sa kontrobersyal nga Oct. 2022 drug raid nga nagresulta sa pagka-recover sang halos isa ka tonelada nga shabu nga nagabalor P6.7 billion.
Suno kay Dela Rosa, natabo ang “cover up” nga wala sang ideya si Azurin.
Dugang pa niya, gin-ako na mismo ni former Philippine National Police Drug Enforcement Drug chief Brig. Gen. Narciso Domingo nga ginhungod ang indi paglakip kay former police Mst. Sgt. Rodolfo Mayo sa spot report nga ginpasa sa anay opisyal.
Pahayag pa sang senador, magasugod na sa paghimo sang report ang iya komitiba nga magalakip sang mga rekomendasyon agud nga malikawan nga matabo ang kaangay nga insidente.
Una na nga ginpakamalaot sang senador nga anay pinuno man sang pulisya, ang kontrobersiya nga nagguba sa reputasyon sang organisasyon.
