Gin-activate sang Taiwan ang ila defense systems matapos gin-report nga 37 ka mga Chinese military aircraft ang nagalupad subong sa sulod mismo sang ila nga air defense zone kag sa western Pacific.
Suno sa defense ministry sang isla, lakip sa ginpadala sang China nga air force planes amo ang J-11 kag J-16 fighters, kag nuclear-capable nga H-6 bombers nga naglupad sa southwestern corner sang ila nga air defense identification zone.
Ini nga zone amo ang gina-monitor kag ginapatrolya sang Taiwan agud mahatagan sang dugang nga tyempo ang pwersa-militar nga maka-responde.
Nagpadala man ang Taiwan sang mga eroplano kag barko agud nga mapadayon ang pagbantay sa hulag sang Chinese aircraft.
Gin-activate ang land-based missile systems — kaangay kun paano ini normal nga naga-responde kun may aktibidad ang China sa amo nga teritoryo.
Matandaan nga bag-o lang nakatapos ang China sa joint air patrols kaupod ang Russia sa Western Pacific.
