ILOILO CITY – Nagpa-iway nga magsakay ang mag-amay sa nadisgrasya nga Titan submersible bangud sang safety concerns pila lamang ka semana antes ang trahedya.
Suno sa investor nga si Jay Bloom kag sa iya anak nga si Sean, nabalaka sila sa submersible kag sa ikasarang sini nga mag-travel sa madalom nga bahin sang dagat.
Ang ila nga pwesto ang nagkadto sa mag-amay nga Shahzada kag Suleman Dawood.
Suno sa 20 anyos nga si Sean, madamo siya sang nakita nga red flags.
Ang submersible ang para lamang sa lima ka mga tawo kag para sa iya, indi makasarang sa pagpadulong sa pinakamadalom nga bahin sang dagat.
Nakita niya ang video ni Stockton Rush nga Chief Operating Officer sang OceanGate, ang kompaniya nga nagatanyag sang deepwater expedition, nga naga-tour sa submersible kag sa mga features sini.
Ginpa-andaman niya ang iya amay nga sang ulihi, nagpati man sa iya.
Ang Titan ang isa ka submersible nga nagatanyag sang oportunidad para sa mga manggaranon nga pasahero nga maglantaw sang wreckage sang Titanic nga yara sa 12,500 feet below sea level.
Ini ang nagsuprer sa catastrophic implosion nga nagresulta sa kamatayon sang lima ka pasahero.
Ang tatlo ka iban nga sakay amo sanday Rush, ang British businessman nga si Hamish Harding, kag ang French diver nga si Paul-Henri Nargeolet.
