ILOILO CITY – Liwat nga nagpanindugan si Iloilo City Mayor Jerry Treñas nga indi kinahanglan nga panginmatyan sang syudad ang issue sa legalidad sang pag-confiscate sa lisensya sang mga drivers nga naka-violate sang traffic rules.
Sa interview sang Bombo Radyo kay Treñas, iya ginpahayag nga indi ini daku nga issue para istoryahan.
Suno sa alkalde, sundon sa gihapon sang syudad ang Regulation Ordinance No. 338 ukon ang ordinansa nga nagapahanugot sa mga traffic aides kag kapulisan nga mag-confiscate sang driver’s license.
Paathag sang alkalde, hatagan gilayon sang ticket ang driver kung indi maghatag sang lisensya.
Pangsawayon lang ang mga traffic aides kung nagapamilit sa pag-confiscate suno sa alkalde.
Dugang pa sang alkalde, nagahulat lamang sang koordinasyon ang syudad nagikan sa Land Transportation Office may kaangtanan sa plano sini agud mahitso ang issue.
Nahibaluan nga makapila na ka beses nga nagpadala sang sulat ang Iloilo City Government sa Land Transportation Office apang wala sa gihapon sang sabat ang talatapan.
