Nakuha sang Spanish racing driver sang Scuderia Ferrari nga si Carlos Sainz Jr. ang iya ikaduha nga daog sa iya karera sa Formula 1 matapos ginpangunahan ang 62-lap nga Singapore Grand Prix sa Marina Bay Circuit.
Si Sainz ang naghigko sa rekord-breaking 10-win streak sang Belgian-Dutch Formula One leader nga si Max Verstappen nga amo ang pinakamalawig sa maragtas sang amo nga tournament.
Amo man ini ang nagtapos sa handum sang Red Bull nga tapuson ang season nga wala sang kapierdehan. Ang katapusan nga tion nga napaslawan ang isa sa ila nga drivers nga makadaog sa race ang natabo sang Nobyembre 2022 sang nadag-an ni George Russel sang Mercedes ang Brazilian Grand Prix.
Ang nagpangaduha sa race amo si Lando Norris sang McLaren samtang pangatlo naman si Lewis Hamilton sang Mercedes.
Kahapon sang naguwa man ang picture ni President Ferdinand Marcos Jr. nga naglantaw sa qualifying session sang Grand Prix kaupod si House Speaker Martin Romualdez. Ini kasunod sang iya main engagement sa 10th Asia Summit sang Milken Institute nga kadungan man sang iya 66th birthday.
