Mayor Treñas, pasulabihon gid ang pagpasaka sang kaso sa mga Board of Directors sang Iloilo City Employees Multi- Purpose Cooperative

ILOILO CITY- Pasulabihon gid ni Iloilo City Mayor Jerry Treñas ang pagtumod sa mga tawo nga dapat manabat sa palpak nga operasyon sang Iloilo City Employees Multi- Purpose Cooperative antes ang eleksyon sang bag-o nga mga Board of Directors.

Sa interview sang Bombo Radyo kay Mayor Jerry Treñas, iya ginpahayag nga dapat anay makasuhan ang mga responsable sa nadangatan sang kooperatiba.

Suno sa alkalde, indi siya magpasugot nga indi mahatagan sang hustisya ang mga myembro sang kooperatiba nga nadingutan sang ila pribelihiyo nga mag-loan bangud halos gin-ubos sang ila mga Board of Directors.

Handa naman ang alkalde nga suportahan ang mga myembro nga magpasaka sang kaso sa bulig man sang Iloilo City Legal Office.