ILOILO CITY- Ginpatigayon sa syudad sang Iloilo ang Philippine Economic Briefing nga may tema nga “Agenda for Prosperity: Economic Transformation toward Inclusivity and Sustainability.”
Ini ang gintambungan sang mga opisyal sang economic team ni Presidente Ferdinand Marcos Jr. nga ginalakipan nanday Department of Finance Secretary Benjamin Diokno, Bangko Sentral ng Pilipinas Gov. Eli Remolona Jr, Depaartment of Budget and Management Secretary Amenah Pangandaman, kag National Economic and Development Authority Secretary Arsenio M. Balisacan kag iban pa.
Nangin dinapit nga bisita naman si Speaker Ferdinand Martin Romualdez nga nagdeliver sang iya mensahe sa event nga ginhiwat sa Iloilo Convention Center.
Sa iya mensahe, ginpabutyag ni Romualdez ang dako nga pagsalig sa isa ka mas mapag-on nga ekonomiya sa idalom sang pagpamuno ni Presidente Marcos.
Suno kay Romualdez, bangud sa liderato sang iya pakaisa, ang Executive kag ang Legislative branch sang gobyerno aang may yara sang matalunsay nga working relationship nga nangin instrumental sa madasig nga pagpasar sa mga policies and priority bills kaangay na lang sang General Appropriations Bill.
