ILOILO CITY- Temporaryo nga indi pagpaandaron ang mga parol kag iban nga dekorasyon sa syudad sa tion sang kagab-ihon samtang wala pa nakabalik sa normal ang suplay sang kuryente.
Sa interview sang Bombo Radyo kay Joel Gerasmia, Electrical Inspector II sang City Engineer’s Office, iya ginpahayag nga base sa mando ni Ilolo City Mayor Jerry Treñas, ipang-disconnect ang tanan nga lights nga ginpangtakod sumugod sang Disyembre nga naga-display gihapon tubtob subong.
Nalakip man diri ang mga lights display sa mga plazas sa tanan nga distrito.
Gin-athag naman sini nga wala nalakip ang street lights sa mga suga nga iga-disconnect.
