ILOILO CITY- Ipatawag sang Sangguniang Panlalawigan sang Iloilo ang National Grid Corporation of the Philippines agud magpaathag nahanungod sa natabo nga power outage sang damlag lang nga kaangay nga panibag-o nga hugnat sang natabo man nga power outage sang Abril 2023.
Sa interview sang Bombo Radyo kay Iloilo 4th District Board Member Rolando Distura, iya ginpahayag nga paagi sa Committee on Public Utility sa Provincial Board, hingyuon nila ang amo nga korporasyon nga mag-atubang sa ila agud magpaathag.
Suno kay Distura, dako ang salabton sang amo nga korporasyon sa mga pumuluyo ilabi pa nga may kontribusyon man ang mga konsumidor sa pag-develop sang transmission line kun sa diin nalakip ini sa ginabayaran sang mga pumuluyo.
Pahayag pa ni Distura, bisan may ginahimo nga solusyon ang National Grid Corporation of the Philippines, tuman ini ka minimal.
