ILOILO CITY- Nagpabutyag sang pagkadismaya si Iloilo City Mayor Jerry Treñas sa pila ka mga senador sa ginpatigayon nga inquiry may kaangtanan sa natabo nga power blackout sa Panay.
Sa interview sang Bombo Radyo kay Mayor Treñas, iya ginpahayag nga kaangay nga nagtindog nga abogado sang National Grid Corporation of the Philippines ang pila ka mga senador.
Una na nagpabutyag sang iya hibubun-ot si Treñas bilang isa sa mga resource persons sa amo nga senate inquiry.
Matandaan nga ginpangunahan ni Senate Energy committee chairman Sen. Raffy Tulfo ang amo nga inquiry kun sa diin gin-gisa man ang mga tiglawas sang National Grid Corporation of the Philippines.
Yara man sanday Senator Win Gatchalian nga amo ang Committee Vice chairman, Risa Hontiveros, Francis Escudero, JV Ejercito, Ronald dela Rosa,kag Francis Tolentino.
