ILOILO CITY- Ginpagguwa sa presohan ang driver sang modernized jeep nga nakabunggo sa mag-iloy sa Barangay Poblacion South, Oton, Iloilo.
Sa amo nga insidente, patay ang iloy nga si Lea Layos, 42, kag pilason naman nga anak sini nga si Jade Mariel, 17, lunsay residente sang nasambit nga lugar.
Sa interview sang Bombo Radyo kay Police Corporal Churchill Acosta, imbestigador sang Oton Municipal Police Station, iya ginpahayag nga nag- istoryahanay ang magtimbang nga bahin kag nagdesisyon ang pamilya sang biktima nga indi na magpasaka sang kaso batok sa driver.
Suno kay Acosta, nagpasalig man ang kooperatiba sang modernized jeep nga sabton ang gastos sang pamilya sa pagpa-ospital sa bata kag pagpalubong sa iloy.
Nahibaluan nga base sa sa kuha sang closed circuit television sa lugar, nagatabok ang mag-iloy agud nga magbakal kuntani sang sud-an, apang wala ini natalupangdan sang driver bangud nga nasilawan sa nasugata nga salakyan tubtob nga nabungguan gid ang mag- iloy.
