ILOILO CITY- Nagmandu si Iloilo City Mayor Jerry Treñas nga tun-an ang pagpadako sang Iloilo Freedom Grandstand agud mas madamo nga bisita kag Ilonggo ang makalantaw sang tuigan nga selebrasyon sang Dinagyang Festival.
Sa interview sang Bombo Radyo kay Treñas, iya ginpahayag nga nagsapul na sila ni House Speaker Representative Martin Romualdez agud mabuligan ang syudad sa pagpatukod sang extension sang Freedom Grandstand kag matigayon nga masaksihan sang mas madamo nga tumalan-aw ang pagpasundayag sang kultura kag talento sang mga Ilonggo.
Suno kay Treñas, gamayan lang sila magsabakay ni Romualdez sa Grandstand bangud sa magamay nga space sa diin indi na makaigo kun tuman ka damo ang tawo nga magtambong.
Dugang sang alkalde, nagpromisa man si Romualdez nga tumanon ang hingyo sang alkalde nga i-extend ang esplanade.
