ILOILO CITY- Nakuhaan sang malapit P5 million nga illegal drugs ang maglive-in partner sa ginpatigayon nga buybust operation sang Regional Police Drug Enforcement Unit 6 sa Deca Homes 3, Brgy. Balabag, Pavia, Iloilo.
Ang mga nadakpan amo sanday alyas Dindo,43 sang Calaparan, Arevalo, kag si alyas Niña,40, residente sang Iloilo City Proper.
Sa interview sang Bombo Radyo kay Police Captain Glen Soliman, ,team leader sang Regional Police Drug Enforcement Unit Region 6, iya ginpahayag nga nakaagi na preso ang duha bangud man sa kaso naangot sa illegal drugs.
Nakumpiska sa duha ang 730 gramos sang shabu nga nagabalor sang 4.96 milyones pesos kag buybust money.
Sa karon yara na sa kustodiya sang otoridad ang mga suspek.
Suno kay Soliman, madugay na nila nga gina-monitor ang duha nga ginakabig Priority High Value Individuals.
