Nagpatigayon liwat ang Philippine Air Force (PAF) kag ang U.S. Pacific Air Forces sang Combined Air Patrol sa West Philippine Sea.
Ini na ang ikaduha nga phase sang ikatatlo nga Maritime Cooperative Activity sa sulod sang Exclusive Economic Zone (EEZ) sang Pilipinas kun sa diin gin-cover sini ang areas nga 90 nautical miles west sang Candon, Ilocos Sur kag 50 nautical miles northwest sang Lubang, Mindoro.
Suno sa PAF, lakip sa ginpanggamit sa amo nga patrolya amo ang tatlo ka FA-50s sang PAF kag isa ka B-52H bomber aircraft sang Amerika.
Ini nga aktibidad ang nagatuyo nga pabaskugon pa ang pag-updanay sang armadong kusog sang Pilipinas kag Estados Unidos sang Amerika.
“With this activity, the PAF underscores its commitment and readiness to support the AFP’s efforts in safeguarding the national territory and sovereign rights, and upholding regional peace and security,” pahayag ni PAF spokesperson Col. Ma. Consuelo Castillo.#
