Ginpabaskog pa ang intelligence services sa Pilipinas bangud sa bag-o kag nagatuluhaw nga mga pagpamahog.
Ginpahayag ini ni President Ferdinand ”Bongbong” Marcos Jr. sang ginpamangkot kun ano ka-epektibo ang intelligence gathering sang otoridad sa tunga sang mga alegasyon nga may ginaplano nga destabilisasyon batok sa gobyerno.
”Well, pinatibay talaga natin ang ating intelligence services. It’s much better than it was before because marami nang ibang bagong kailangan na bantayan,” suno sa presidente.
Apang suno kay Marcos, mas ginatutukan sang intelligence community ang external threats.
”So, yes they’ve been doing a good job and I think that we shouldn’t be talking about intelligence services kasi they’re supposed to be clandestine, eh,” dugang sang presidente.
Sang Enero, matandaan nga ginpanginwala man sang Armed Forces of the Philippines (AFP) ang gina-alegar nga military destabilization plot batok sa Marcos administration.
Mangin ang Philippine National Police (PNP) ang nagpanginwala man sang reports nga may nagaplano nga gub-on ang gobyerno.
