Magatipon ang committee of the whole sa Kamara subong nga adlaw, Pebrero 26, agud nga istoryahan ang ginaduso nga economic Charter change.
Suno kay Senior Deputy Speaker Aurelio Gonzales Jr., padalman ang diskusyon sa Resolution of Both Houses 7 ukon ang House version sang economic Cha-cha.
Buot silingon, indi na paghimuon sang liderato sa Kamara ang nakaandan nga gina-istoryahan ang hagna sa committee level antes magboto kag ipasaka ini sa plenaryo agud nga ma-debatehan kag mabotohan sang tanan nga House members.
Natalana ang initial debates la 1:00 karon sa hapon kun sa diin may yara sang mga resource persons lakip na ang mga ekonomista.
May yara sang tatlo ka hearings kada semana.
Suno pa kay Gonzales, pagabotohan ang proposals antes ang Holy Week break sang Kongreso nga magasugod sa Marso 22.
Sa Senado, una naman nga nag-promisa si Senate President Juan Miguel Zubiri kay President Ferdinand Marcos, Jr. nga ang ila hagna nga nagaduso sa economic Cha-cha ukon ang Resolution of Both Houses 6 ang igapasa antes man ang Lenten break sa masunod nga bulan.
Halos pareho ang resolution sang Kamara kag Senado magluwas lamang sa voting provision kun sa diin gindugang sang mga senador nga “kada chamber ang magaboto sang separarado”.
