ILOILO CITY- Ginakonsidera sang Iloilo City Government ang paghatag sang financial assistance sa mga boarders nga ma- displace matapos ginpasirado ang mga boardinghouses bangud nga naga-operate apisar wala sang business permit.
Sa interview sang Bombo Radyo kay Iloilo City Mayor Jerry Treñas, iya ginpahayag nga magasapol sila sang City Social Welfare and Development Office (CSWDO) agud nga hibaluon kun pila ang amount nga pagabatunon sang mga boarders nga ma-displace.
Suno kay Treñas, naghatag na ini sang pulo ka adlaw sa tag-iya sang mga boarding houses agud nga mag-comply sang ila nga mga business permit agud nga maka-operate kag liwat nga makabalik ang ila boarders.
Nahibaluan nga yara na sa kapin 40 ka mga boarding houses sa Iloilo City ang ginpasirado bangud nga wala sang ginauyatan nga permit.
