ILOILO CITY- Na-rescue sang mga personnel sang Philippine Coast Guard Sub-Station (CGSS) San Joaquin ang duha ka manugpangisda nga sakay sang nagkulob nga baroto sa kadagatan nga sakop sang Brgy. Purok III, San Joaquin, Iloilo.
Ang mga manugpangisda amo sanday Domingo Seron, 55, residente sang Brgy. Masagud, San Joaquin, Iloilo kag Jeorge Santosi, 54, residente sang Brgy. Nasipit, San Joaquin, Iloilo.
Suno sa ila, samtang nagapangisda, hinali lang nga nagbaskog ang hangin kag ginhampak ang ila baroto sang dalagko nga balod tubtob nga nagkulob ini.
Gindala naman sa Rural Health Unit sang San Joaquin ang mga biktima.
Maswerte nga wala man nakaagom sang mga samad sa lawas ang mga ini.
