ILOILO CITY- Nagapanghanda na ang mga commercial establishments ilabi na ang mga nagatanyag sang accommodation services sa posible epekto sang El Niño phenomenon sa water supply.
Sa interview sang Bombo Radyo kay Angela Happy Abenir, President sang Iloilo Hotel, Resorts And Restaurant Association (IHRRA), iya ginpahayag nga may inisyal na sila nga pagpakighinun-anon sa Iloilo City Government angot sa amo nga concern.
Suno kay Abenir,sa subong, sa ila nga bahin, may yara na sila sang ginahimo nga mga water- saving techniques.
Dugang pa ni Abenir, nakadepende naman sa iban nga mga establishments kun paano sila magkinot sang tubig apang indi man dapat nga masakripisyo ang sanitation kag ang serbisyo sa mga customers.
