Nagpirma ang 14 ka mga senador sa statement nga nagasaad sang ila bug-os nga suporta kay Senate President Juan Miguel Zubiri sa tunga sang liwat pagkabanhaw sang espekulasyon nga may nagahulag agud nga islan na ang liderato sa Senado.
Yari ang mga nagpirma sa expression of support:
1. Loren Legarda
2. Sherwin Gatchalian
3. Sonny Angara
4. Grace Poe
5. Nancy Binay
6. Lito Lapid
7. Mark Villar
8. Francis Tolentino
9. JV Ejercito
10. Joel Villanueva
11. Raffy Tulfo
12. Ronald “Bato” dela Rosa
13. Christopher “Bong” Go
Mangin si Zubiri ang nagpirma man sa amo nga statement.
Ang mga wala nakapirma sa statement of support amo sanday: Cynthia Villar; Imee Marcos; Pia Cayetano; Alan Peter Cayetano; Jinggoy Estrada; Robin Padilla; Chiz Escudero; kag Ramon “Bong” Revilla, Jr.
Wala man nagpirma sanday Senate Minority Leader Aquilino”Koko” Pimentel III kag Senator Risa Hontiveros bangud indi man sila kabahin sang super majority bloc.
May nagaguwa nga impormasyon nga may “outsiders” nga nagakumbinse sa grupo sang pila ka mga senador agud nga pahalinon na si Zubiri.
May impormasyon man nga may mga senador nga indi kuntento sa pagpadalagan ni Zubiri sa upper chamber kag labi pa nga ginpalala sa isyu sang People’s Initiative — isyu nga ginaawayan man sang Senado kag Kamara.
Mangin ang presidential sister, si Senator Marcos, ang nagkumpirma nga may tuyo halin sa “guwa” agud nga pahalinon si Zubiri: “It’s all coming from outside the Senate, not within the Senate. So strange.” ##
