ILOILO CITY- Nagpirma na sang kontrata ang Commission on Elections kag South Korean company Miru Systems Company Limited para sa procurement sang bag-o nga automated election system (AES) para sa 2025 national and local elections.
Ang P17.99-billion contract magasakop sa 110,000 ka machines kag peripherals nga nagalakip sang ballot boxes, laptops, kag iban nga printing requirements para sa 2025 elections.
Upod sa Miru amo ang Integrated Computer Systems kag St. Timothy Construction Corporation and Centerpoint Solutions Technologies, Inc. sa joint venture para sa procurement.
Ginpangunahan ni Commission on Elections Chairman George Garcia, Comelec Commissioner Rey Bulay, kag Miru President Chung Jin Bok ang pagpirma sang kontrata.
Matandaan nga gin-anunsyo sang Commission on Elections sang nagligad nga duha na ka semana nga gin- award sini ang kontrata sa Miru, ang nagaisahanon nga bidder para sa procurement.
Una na nagpaandam ang mga mamalidha kag election watchdogs sa Comelec nga mangin vigilante kag i- review ang track record sang Miru.
Apang nanindugan naman ang Miru Systems nga ang alegasyon natuhoy sa election failures bangud sa technology sini ang wala sang kamatuoran.
