ILOILO CITY- Indi pa mahambal ni Iloilo City Mayor Jerry Treñas kun ano nga posisyon ang padalaganan sini sa palaabuton nga 2025 elections.
Sa interview sang Bombo Radyo kay Treñas, iya ginpahayag nga indi pa ini makadesisyon sang posible nga posisyon apang sigurado ini nga mapa-eleher liwat sa syudad sang Iloilo.
Suno kay Treñas, madamo pa sang posible nga matabo bangud wala pa sang pinal nga linyada ang ila ginatukod nga grupo.
Ginpahayag man sang alkalde nga may posibilidad nga may mapadalagan halin sa iya pamilya.
Wala naman sang plano ang natungdan nga maghalin sa partido ni President Ferdinand Marcos Jr. nga Partido Federal ng Pilipinas.
Nahibaluan nga nagapabilin nga sa idalum sang National Unity Party (NUP) si Treñas sa diin nagserbe ini bilang Vice President on Special Projects sang partido.
