Nagpadala lamang sang mensahe ni King Charles kadungan sang ika-75 nga anibersaryo sang Commonwealth bangud absent ini sa mga selebrasyon kasunod sang pang-angkon sini sang cancer.
Isa ka pre-recorded video message ang gin-play nga amo ang nagahatag sang tribute sa Commonwealth, isa ka voluntary club sang 56 ka mga nasyon nga nag-evolve halin sa British empire. Isa man ini sa pinakadaku nga international organizations nga naga-cover sang 2.5 billion ka mga tawo kag ginapamunuan anay ni Queen Elizabeth nga iloy ni Charles.
Ang Commonwealth Day amo ang isa sa pinaka-importante nga tuigan nga royal occasion nga wala natambungan sang 75-anyos nga hari halin sang nagpaidalom ini sa cancer treatment.
Tubtub subong, wala man ginsapubliko sang palasyo kag sang Royal Family kun ano nga sahi sang cancer ang ginasuprer ni King Charles.
Bilang tiglawas sang hari, ang asawa sini nga si Queen Camilla ang nagpanguna sa senior royals sa service sa Westminster Abbey sa London nga ginsundan sang reception sa international headquarters sang Commonwealth.
Wala man nakatambong sa okasyon ang Princess of Wales nga si Kate nga asawa ni Prince William bangud nga naga-recover pa ini sa iya nga abdominal surgery. #
