ILOILO CITY- Nagpakigkita si President Ferdinand R. Marcos Jr. sa linibo ka mga Filipinos nga naga-istar kag nagatrabaho sa Federal Republic of Germany sa isa ka pagtililipon agud tapuson ang ikaduha nga adlaw sang iya working visit sa Berlin.
Upod sang Chief Executive si First Lady Louise Araneta-Marcos kag ang delegasyon sini sa pag-reaffirm sa Filipino community sang wala nagakapunaw nga commitment sang Pilipinas sa pagpasiguro sang kaayuhan sang mga Filipinos sa amo nga European nation.
Ginpasalamatan man sang Presidente ang mga overseas Filipino workers sa Germany bangud sa ila sakripisyo kag kontribusyon sa pungsod.
Base sa Embassy of the Philippines in Germany, may kapin 35,000 Filipinos nga nagaistar sa nanuhay- tuhay nga mga rehiyon sa pungsod kag employed sa mga industriya pareho sang healthcare, information technology (IT), hotel and hospitality, kag mangin sa academe.
