Ginkumpirma sang United Nations agency for Palestinian refugees nga gin-igu sang pwersa-militar sang Israel ang isa sa ila nga warehouses samtang padayon kuntani ang pagpanghatag sang ayuda sa ginagutom nga mga tawo sa Gaza.
Suno sa health ministry, apat ka mga empleyado ang napatay samtang 22 ang nasamaran bangud sa amo nga pagpang-atake sa southern Gaza.
Ginpakamalaot ini sang ahensya ilabi na bangud ginakulang na gani ang pagkaon kag lapnagon gid ang gutom apang wala pa ginpalampas sang Israel ang ila nga distribution center.
Sa kabug-usan halin sang nagsugod ang Israel-Hamas war sang Oktubre 2023, yara na sa 162 ka mga empleyado sang UN agency for Palestinian refugees ang nagkalamatay. Yara naman sa 31,272 Palestinians sa Gaza ang napatay — kalabanan amo ang kababainhan kag kabataan — bangud sa opensiba sang Israel apang ginsiling man sang pwersa sang amo nga pungsod nga mas pabaskugon pa nila ang operasyon sa southern Gaza Strip lakip na sa Khan Younis nga amo ang pinakadaku nga syudad sa amo nga area.#
(Credit: Mohammed Abed/AFP)
