Halin sa duha ka adlaw nga working visit sa Germany, nagbyahe naman si President Ferdinand Bongbong Marcos Jr., First Lady Liza Marcos, kag ang bug-os nga delegasyon sang Pilipinas padulong sa Czech Republic para sa tatlo ka adlaw nga state visit.
Naghugpa ang presidential plane sa Vaclav Havel International Airport sang 5:43 p.m. local time (12:43 a.m., Huwebes sang kaagahon, oras sa Manila).
Lakip sa schedule ni Marcos amo ang pagpakigkita kay Czech Prime Minister Petr Fiala.
Magapakigkita man ini sa Filipino community kag business leaders agud nga maganyat ang dugang nga foreign investments nga magsulod sa Pilipinas kag maghatag sang dugang nga trabaho sa mga Pilipino.
Sang 2022, ang Czech Republic amo ang ika-39 nga trading partner kag ika-47 nga import supplier sang Pilipinas.
Base naman sa data sang Czech Ministry of Interior, as of December 31, 2023, may yara sang 7,026 nga mga Pinoy nga nagapuyo kag nagatrabaho sa amo nga pungsod sa Europa kun sa diin ang kadam-an sa ila ang naga-trabaho sa processing industry, automotive, repairs of appliances, manufacturing, IT communications, real estate, health/wellness, kag household service work. #
