ILOILO CITY- Pasado na sa House of Representatives sang Estados Unidos sang Amerika ang hagna nga nagaduso sa pag-ban sang TikTok sa amo nga pungsod matapos naghilisugot ang mga Republicans kag Democrats nga makabig nga pamahog sa national security ang popular video-sharing application nga ginapanag-iyahan sang China-based company.
Ini ang ginatawag nga Protecting Americans from Foreign Adversary Controlled Applications Act.
Suno kay Bombo Rufino “Pinoy” Gonzales, international correspondent sa Texas, USA, sunod nga ipasa ang hagna sa US Senate kun sa diin ginalauman man suno sa iya nga madasig ini nga maaprubahan nga mapasar.
Ginpahayag ni Gonzales nga mangin si President Joe Biden ang nagpasalig nga pirmahan niya ini nga hagna sa tion nga makalab-ot na ini sa iya lamesa.
Suno kay Gonzales, nagapati ang mga mamalidha nga ang TikTok mahimo gamiton agud mag- access sang American data kag magpalapta sang “harmful” information gikan sa millions nga mga users.
Una naman nga nanginwala si TikTok CEO Shou Zi Chew nga gina-kontrol sang Chinese government ang application.
Ang TikTok ang ginapanag-iyahan sang China-based parent company nga ByteDance nga nagpatigayon man sang agresibo nga kampanya nga indi magmadinalag-on ang amo nga hagna.
