ILOILO CITY- Hugot nga ginpanginwala ni former Iloilo City Councilor Lex Tupas nga kabahin ini sang grupo nga ginabati-bati nga magakontra sa grupo ni Mayor Trenas sa masunod nga eleksyon.
Sa interview sang Bombo Radyo kay Tupas, iya ginpahayag nga wala gid ini nakapakig-angot sa ano man nga grupo agud istoryahan ang eleksyon sa 2025.
Suno kay Tupas, sa pagkamatuod, wala gid sila sang plano nga magsulod sa pulitika sang iya asawa nga si Councilor Candice Tupas.
Apang suno sa iya, kun hingyuon gid man siya ni Mayor Trenas nga magpadalagan upod sa iya grupo, bukas sila kag ila ini igakonsiderar.
