ILOILO CITY- Ginalantaw nga posible nga ginkawatan ang mag-asawa nga nasapwan- patay kag yara na sa advanced state of decomposition sa gwa sang ila balay sa Brgy. Constancia, San Lorenzo, Guimaras.
Ang mga biktima ang ginkilala nga sanday Nestor Egaran kag Remedios Egaran lunsay nagaedad sang 64-anyos.
Base sa inisyal nga pagpangusisa, wasak na ang ulo sang babayi nga biktima kag halos nautod ang ulo sang iya nga bana.
Sa impormasyon nga nakuha sang Bombo Radyo, wala na ang cellphone kag kwarta sang mga biktima.
Ginapahayag nga antes ang krimen, nakapamaligya pa sang kopra ang mag-asawa kag nakabakal sang feeds para sa ila ginasagod nga mga baboy.
May yara man sila sang ginapanag- iyahan nga duta.
Sa interview sang Bombo Radyo kay Police Colonel Rhea Santos, director sang Guimaras Police Provincial Office, iya ginpahayag nga sa subong, ginahulat pa nila ang resulta sang imbestigasyon sang Scene of the Crime Operations agud mapat-ud kun magluwas sa igo sang bala, posible nga ginpanglabo pa ang mga biktima sa ulo.
