Naglapad sang ginabanta pito ka ektarya sang kahilamunan ang ginlamon sang kalayo sa Barangay Gua-an, Leganes, Iloilo.
Ang propiedad ang ginapahayag nga ginapanag-iyahan sang San Miguel Corporation apang sa inisyal nga impormasyon, wala sang nadalahig nga mga pamalay.
Nagbuligay naman ang pwersa sang Zarraga kag Leganes Fire Stations sa pagpalong sang kalayo nga naglab-ot na sa second alarm.
Sa interview sang Bombo Radyo kay Punong Barangay Alberto Catajay, Jr., iya ginpahayag nga indi pa matul-id kun ano ang rason sang amo nga sunog apang kun siya lang ang palantawon, posible nga ginhaboy nga sigarilyo ang rason sang pagkarab-karab sa area.
Ini na ang ikaapat nga grassfire sa lugar suno sa natungdan kun sa diin inektarya man ang kalapadon sang propedad nga una nga nasunog.
