ILOILO CITY — Ginakabig ni Iloilo City Mayor Jerry Treñas nga indi dako nga issue kun makapanumpa ukon indi ang iya anak nga si Raisa Treñas-Chu sa Partido Federal ng Pilipinas.
Sa interview sang Bombo Radyo kay Treñas, iya ginpahayag nga sang siya ang nagpadalagan sang 2016, wala siya ginhatagan sang kahigayunan nga makasulod sa Partido Demokratiko Pilipino (PDP) nga partido sang administrasyon ni Former President Rodrigo Dutere.
Suno kay Treñas, wala ini nagahikay sa mga partido kag nagapati ini nga indi sini madetermina ang political career sa isa ka pulitiko.
Ginpahayag man ni Treñas nga ginapaguwa lang sang iba nga siya ang daw mapatay nga pasudlon ang iya anak nga si Raisa sa Partido Federal ng Pilipinas.
Gin-athag man sang alkalde nga tuman ka damo sang partido nga pwede sudlan sang iya bata.
