Gin-anunsyo ni Iloilo City Mayor Jerry Treñas nga suspendido ang face-to-face classes sa syudad sang Iloilo subong nga adlaw tubtub buwas, Mayo 3.
Epektibo ini nga mandu sa tanan nga lebel sa pampubliko kag pribado nga mga eskwelahan.
Ini ang kasunod sang tuman gihapon ka taas nga heat index sa Iloilo nga delikado para sa ikaayong lawas sang mga estudyante kag mga manunudlo.
Una na nga gindepensahan sang alkalde ang masami sini nga pag-suspend sang klase sa Iloilo City bangud sa tuman ka init nga tiempo. Ginpahayag sini nga naobserbahan niya nga may mga school heads ukon principal nga nagapang-alang-alang nga mag-suspend sang klase gani bilang alkalde sang syudad, siya nalang ang nagahimo sang desisyon para sa kaayuhan sang mga estudyante.
Suno sa alkalde, kun may magreklamo man ukon maakig sa iya inisyatibo, handa man niya ini atubangon.
Nangabay naman ang opisyal sa Department of Education (DepEd) nga tun-an gid ang pagbalik sang daan nga school year nga nagabukas sa bulan sang Hunyo.#
